【Emily】赴長江大廈求見李嘉誠不果 雙程證漢槌毁牆上「中心」
[2023.08.23] 發表
【明報專訊】噚日早上11點幾，一名男子喺中環長江集團中心地下停車場，涉以槌仔毁壞牆上「長江集團中心」嘅凸字，「中」字移位、「心」字就無咗一點，保安上前阻止同報警。警方到場以刑事毁壞拉咗嗰個男人。
據悉，被捕27歲男子姓羅，持雙程證留港，報稱無業，佢到上址話要搵李嘉誠傾商業話題，被保安拒絕，之後就毁壞牆上標誌，保安事後以白板圍封。
長江集團中心管理處口頭回覆話，案件交由警方調查，個男人並唔係該大廈嘅人，事件中無人受傷。
更多港聞
相關新聞
