【Emily】法治教育委會埋班 陳兆愷簡慧敏有份
[2023.02.03] 發表
【明報專訊】《施政報告》宣布要成立嘅「法治教育督導委員會」，噚日正式埋班，律政司長林定國同副司長張國鈞分別擔任主席同副主席，有6個官方成員及7個非官方成員，非官方成員包括早前被英聯邦議會聯合會撤回訪問邀請嘅立法會選委會界別議員簡慧敏，佢本身係中銀香港總法律顧問。其他非官方成員仲有終審法院非常任法官陳兆愷、資深大律師張天任、律師譚雪欣，同埋港大、中大同城大法律學院嘅代表。
律政司提到，委員會將為律政司即將開展嘅「法治教育領袖培訓計劃」提供意見，而計劃會喺社區唔同層面培訓相關界別嘅「培訓者」，內容以法治理念為主軸，涵蓋《憲法》、《基本法》、《港區國安法》、香港普通法制度嘅主要特點等，提升培訓者向青少年同普羅大眾推廣一致和正確法治信息嘅能力、效益，啟發其他人喺日常生活中自覺尊重法治、明法守法。
更多港聞
教育博覽北上升學查詢增 攤位料因通關 有參觀者稱港多國教擬負笈
【明報專訊】貿發局主辦的教育及職業博覽昨起一連4日在灣仔會展舉行，免費入場。有大灣區升學資訊攤位負責人稱，昨早接獲不少訪客查詢，預料因應兩地... 詳情
【明報專訊】都會大學科技學院與香港電訊昨簽署合作備忘錄，將合作發展及提升學術和科研項目、促進知識交流及經驗分享，以及為學生的實習及事業發展提...
詳情
相關新聞
