【Emily】越厚重雲霧登頂 區家麟大帽山遇「最美雲海」
[2023.01.27] 發表
【明報專訊】資深傳媒人區家麟噚日喺facebook分享，佢大年初二喺大帽山頂欣賞到雲海美景。佢話當日原本想上山睇藝術家喺荒廢石屋所畫嘅「貓屋」，起行時見到雲霧蔽天，曾經有啲猶豫，但天氣預測話佢知當時濕度高、靜風，而溫度、雲底高度都適合雲海生成，結果穿過厚重雲霧後，佢就喺山頂遇上一片浩瀚雲海，「最美的雲海，在香港碰上」。
睇番天文台介紹，雲海形成同逆溫層有關。當逆溫層出現時，如果咁啱受到較暖濕嘅海洋氣流影響，逆溫層就會阻住雲層向高空發展，有利層狀雲形成。當逆溫層維持喺山頂之下，而遊人身處山頂附近，就有機會見到雲海。
市民可以喺天文台「高空氣象觀測」網頁(bit.ly/3R6fRfD)，留意吓唔同高度嘅氣溫同露點溫度相差，當兩者相差接近零度，即係代表嗰度空氣較為潮濕，通常會產生雲或霧，亦係估算雲底高度嘅指標，有助大家參考，及早知道同雲海有冇緣分！
講番天氣，天文台展望未來幾日寒冷，今日氣溫介乎13℃至18℃，大 致多雲，日間漸轉天晴乾燥，夜晚氣溫顯著下降，大家記得添衣保暖喇。
更多港聞
【Emily】張秀賢被指四周欠債 「苦主」開群組
【明報專訊】前學民思潮成員張秀賢前年辭任元朗區議員後轉趨低調，政圈曾傳佢陷入財政危機。財經KOL「渾水」喺網上撰文，唔點名話有前區議員以唔同... 詳情
【Emily】教大5議員校友話當年 郭玲麗難忘「不做經師」訓誨
【明報專訊】5名同係香港教育大學校友嘅立法會議員朱國強、陸瀚民、郭玲麗、林振昇及楊永杰，最近喺教大刊物《超越教育》分享昔日校園點滴。教師出身... 詳情
相關新聞
