【Emily】教大5議員校友話當年 郭玲麗難忘「不做經師」訓誨
[2023.01.27] 發表
【明報專訊】5名同係香港教育大學校友嘅立法會議員朱國強、陸瀚民、郭玲麗、林振昇及楊永杰，最近喺教大刊物《超越教育》分享昔日校園點滴。教師出身嘅郭玲麗話好記得開學禮上學到嘅第一課：「要做人師，不做經師」，如果小朋友「聽不入耳」，教師都有責任，所以要不斷學習同提升溝通技巧。
喺教大讀中文教育嘅陸瀚民讀書時好活躍，開學禮、學生會競選都見到佢身影，佢話呢啲經驗鞏固佢對服務群體嘅熱情，確立從政志向。佢話讀書時研究過《論語》中「政」字嘅本義，篇文拎到甲等成績，𠵱家喺立法會發言成日引用《論語》。
朱國強係眾人嘅「大師兄」，係香港教育學院(教大前身)第一屆畢業生。本身係打鼓嶺嶺英公立學校校長嘅朱國強話，平時可行情况下會先返「森林學校」同師生傾偈，再趕去金鐘開會。佢話教育同議政都係建立關係，用心同人連結嘅工作。
更多港聞
相關新聞
