【Emily】奇妙電視誤播舊新聞 通訊局嚴重警告
[2022.12.31] 發表
【明報專訊】通訊事務管理局早前接獲投訴，話奇妙電視喺9月24號國際財經台嘅《晚間新聞》，錯誤播咗8月6號嘅新聞。奇妙電視向通訊局承認係人為錯誤，有工作人員誤將舊版本嘅新聞重播。通訊局裁定投訴成立，向奇妙電視發出嚴重警告。
通訊局話奇妙電視違反咗兩項《電視節目守則》嘅規定，包括要「準確」同「更正錯誤資料」。局方話節目內容屬幾星期前嘅過時新聞，播出時唔再準確，員工喺整個節目播放期間都無發現呢個明顯失誤，更遑論糾正，反映奇妙電視喺監察新聞節目嘅準確上嚴重疏忽。同時，事件發生後奇妙電視都無更正錯誤資料，違反守則。
奇妙電視有限公司嘅公關就同Emily講，公司已經檢視內部監控制度，並加強措施以防再有類似失誤。
更多港聞
【明報專訊】香港每年合法博彩投注額同馬會繳納博彩稅款額屢創新高，但平和基金委託港大進行嘅「香港人參與賭博活動情况」研究噚日發表報告，顯示港人...
詳情
相關新聞
