【Emily】研究：港人賭博參與率持續跌 疫緩可能回升
[2022.12.31] 發表
【明報專訊】香港每年合法博彩投注額同馬會繳納博彩稅款額屢創新高，但平和基金委託港大進行嘅「香港人參與賭博活動情况」研究噚日發表報告，顯示港人賭博參與率同可能出現賭博失調比率持續下降，其中中學生參與賭博活動比率由2016年21.8%降至2021年15.9%，同2005年32.3%相比大幅下降。研究認為部分跌幅係受新冠疫情影響，當疫情趨穩定時比率可能會回升。
2021年39.5% 2016年61.5%
基金話根據2021年蒐集嘅數據和資料，港人參與賭博活動(即過去一年有參與賭博活動)比率為39.5%，低於2016年61.5%，同2005年(即基金成立以來做首次研究嘅年份)80.4%相比有明顯下降趨勢。賭博失調方面，港人可能出現嘅比率亦由2016年1.4%降到2021年0.45%。
研究發現最多受訪者參與嘅賭博活動，係六合彩同社交賭博(例如麻將同啤牌)；中學生參與嘅賭博活動主要係社交賭博。
更多港聞
相關新聞
