【Emily】他信女來港見父 變選舉炸彈 晤「可能危國安者」 被投訴違政黨法
[2022.12.29] 發表
【明報專訊】流亡海外嘅泰國前總理他信不時喺香港同其他東南亞地區現身，佢現年36歲嘅幼女貝東丹(Paetongtarn Shinawatra)民調領先現任總理巴育，被視為有力繼承老竇衣鉢問鼎泰國總理，但貝東丹近期趁聖誕假期喺香港同老竇及屋企人度假，引起當地政界小風波，投訴到去泰國選舉部門。
貝東丹民調領先現任總理
睇返貝東丹Instagram，上載咗佢同他信日前行程嘅相片，例如食日本菜，他信同孫喺尖沙嘴海旁除罩散步，同屋企人去西半山食雪糕，部分場合仲有另一個前總理、他信妹妹英拉嘅身影。貝東丹噚日疑似坐私人飛機離港。
泰國傳媒報道，泰國眾議院前顧問Sonthiya Sawasdee質疑貝東丹今次香港同他信會面，可能違反政黨法，即禁止同可能危害國家和平秩序嘅人會面，要求泰國選委會調查今次貝東丹香港之行。根據Sawasdee說法，如果指控成立，可以要求解散貝東丹同他信昔日領導嘅為泰黨。不過被視為保守派及擁護泰王嘅Sawasdee本身都有爭議，例如舊年曾經就泰國環球小姐踩住泰國國旗嘅設計海報向執法當局投訴，引起環球傳媒廣泛報道，但事件最後不了了之。
更多港聞
【Emily】撞正防疫放寬 民記工展會拉大隊試飲
【明報專訊】一年一度舉行嘅工展會1月1日就會結束，最近都有唔少政界人士把握機會掃貨，幫手做宣傳，噚日就到民建聯拉大隊喇，Emily見到佢哋一... 詳情
【明報專訊】人力資源機構ManpowerGroup（萬寶盛華大中華有限公司）噚日公布2023年第一季「就業展望調查」，結果顯示僱主預期喺來季...
詳情
相關新聞
