【Emily】牆內過冬至 余慧明想食湯圓
[2022.12.23] 發表
【明報專訊】噚日係冬至，但多名因民主派初選案還押嘅被告，就要喺獄中度過。其中前醫管局員工陣線主席余慧明(Winnie，圖)就話最想食湯圓，因為代表一家人團團圓圓。佢又話自己睇得「很化」，只想大家生活平安快樂，亦希望大家不單記掛佢，亦要關心其他信念相同被囚禁嘅人。
探訪躊躇應否講冬至快樂
邵家臻被余「搶先一步」
立法會前議員邵家臻噚日趁冬至去探訪Ｗinnie，佢話探訪前仲諗緊應否同Winnie講「冬至快樂」，但Winnie一見到佢就一臉笑容咁話「冬至快樂」。近日天氣稍微回暖，Winnie喺獄中穿上4件衫亦夠保暖，𠵱家亦有食「私飯」，體重稍稍增磅，期望有能量應付下月開始嘅初選案審訊。
相隔兩年 陳皓桓同家人做節
至於早前刑滿出獄嘅前民陣召集人陳皓桓(Figo)就喺fb話，已經兩年無同屋企人過冬至，所以今年會同家人食飯。不過，佢慨嘆好多朋友仍在獄中，更有在囚朋友嘅家人已經去世，沒法見面。Figo回顧過去兩年，感覺自己失去好多，不過佢話人生都係要繼續過，寄語大家一齊生活，「嘗試喺唔開心嘅世界，尋找快樂，開心笑住過每一日」。
更多港聞
【Emily】陳茂波拉隊去工展 5國領事齊試食
【明報專訊】政府放寬防疫措施，工展會3年嚟第一次可以畀市民試飲試食，財政司長陳茂波噚日就邀請5個東盟國家駐港總領事到場參觀，包括菲律賓、印尼... 詳情
【明報專訊】本港噚日公布新增超過1.9萬宗新冠陽性個案，立法會主席梁君彥中招，佢透過立法會秘書處發言人話，佢對快速抗原測試呈陽性，正按衛生防...
詳情
【明報專訊】政府噚日公布，特首李家超委任4個廉政公署諮詢委員會及廉署事宜投訴委員會嘅非官方成員，多名新成員為立法會議員同新當選嘅港區全國人大...
詳情
相關新聞
