【Emily】西貢上窰民俗文物館重開
[2022.12.23] 發表
【明報專訊】早前因為維修工程暫時關閉嘅上窰民俗文物館今日重開。文物館由今日起到下年2月期間嘅開放時間係上晝10點到下晝5點；明年3月至9月就開朝早10點至下晝6點；逢星期二(公眾假期除外)同農曆年初一、初二休館。巿民可以免費入場參觀。
上窰民俗文物館位於西貢北潭涌自然教育徑，係一座建於19世紀末嘅客家村舍，上窰村同附近嘅一座灰窰喺1981年列為法定古蹟，重修後喺1984年開放為博物館。重修嘅客家村落設有房舍、曬坪，仲有其他附設建築，包括廚房、牛欄、豬舍同埋一座6米高嘅更樓，仲陳列咗各種當年客家嘅農具同家具，重現上窰昔日簡樸嘅鄉村風貌。
更多港聞
【Emily】陳茂波拉隊去工展 5國領事齊試食
【明報專訊】政府放寬防疫措施，工展會3年嚟第一次可以畀市民試飲試食，財政司長陳茂波噚日就邀請5個東盟國家駐港總領事到場參觀，包括菲律賓、印尼... 詳情
【明報專訊】本港噚日公布新增超過1.9萬宗新冠陽性個案，立法會主席梁君彥中招，佢透過立法會秘書處發言人話，佢對快速抗原測試呈陽性，正按衛生防...
詳情
【明報專訊】政府噚日公布，特首李家超委任4個廉政公署諮詢委員會及廉署事宜投訴委員會嘅非官方成員，多名新成員為立法會議員同新當選嘅港區全國人大...
詳情
相關新聞
