【Emily】梁君彥中招 副局阿仔家居檢疫
[2022.12.23] 發表
【明報專訊】本港噚日公布新增超過1.9萬宗新冠陽性個案，立法會主席梁君彥中招，佢透過立法會秘書處發言人話，佢對快速抗原測試呈陽性，正按衛生防護中心嘅指引隔離。發言人話梁君彥每日都有做快測，前日(21日)返立法會綜合大樓前快測陰性，工作時有戴口罩同遵守防疫措施，立法會秘書處話會安排消毒主席辦公室同埋相關地點。
至於梁君彥個仔、民政及青年事務局副局長梁宏正噚日亦要家居檢疫，會留喺屋企工作。佢前日先做過核酸檢測，噚日再做快測，結果都係陰性。
另外，環境及生態局常任秘書長(食物)劉利群前日亦宣布確診，佢對上一次返工係上個星期四(15日)，最近冇外遊紀錄。局方就話，已徹底清潔同消毒相關辦公室，並會繼續嚴格執行各項防疫措施。
更多港聞
【明報專訊】政府噚日公布，特首李家超委任4個廉政公署諮詢委員會及廉署事宜投訴委員會嘅非官方成員，多名新成員為立法會議員同新當選嘅港區全國人大...
詳情
相關新聞
