【Emily】卜國明Full Gear單車裝去投票
[2022.12.19] 發表
【明報專訊】立法會選委會界別補選噚日舉行，Emily見到工程師學會會長卜國明身穿全套運動裝束、戴住單車頭盔去投票，好搶眼。卜國明向Emily解釋，噚日朝早出戰「香港單車節」賽事，完成比賽後去投票，所以未有換衫。
賽後先飲茶 否認衣著特登
卜國明噚日去投票時仍然戴住完成賽事嘅紀念獎牌同參賽號碼布，Emily問佢係咪特登以呢身裝束去投票，佢就否認，話只係咁啱參加單車節，之後無換衫就到會展投票。卜國明話無擔心趕唔切投票，「50公里(賽事)好早、5點幾出發，基本上7點幾已經完，飲埋茶過嚟」，不過佢就無解釋點解有時間飲茶但未有換衫。
有選委參加單車節後投票，亦有選委因為單車節趕唔切投票，其中第五界別選委、全國青聯常委詹勝約11點半到達票站，未能入內投票。佢同Emily講其實早上10點已經出門口，但因為單車節封路，結果遲到，只差約一分鐘錯失投票機會。佢又話特意由上海回港投票，對於最終無法投票覺得非常遺憾。
今次補選投票喺上晝9時開始，11點半結束，共有1307名選舉委員會委員投票，投票率90.7%。
更多港聞
【Emily】傳媒英文問勝選陳永光 慧琼阿鼎代答
【明報專訊】立法會噚日補選，選出4名選委會界別議員，其中民建聯中醫師陳永光以大熱姿態勝出，選舉後就喺黨主席李慧琼帶領下見傳媒，其間有傳媒以英... 詳情
【Emily】繼10月齊落水 鄭、容、姚3議員再合體踩車
【明報專訊】香港單車節噚日喺寒風同陽光照耀下舉行，除咗競賽項目，大會仲有搞「總裁慈善及名人單車遊」項目，官員、商界、議員喺尖東踩踩熱身，順便... 詳情
【Emily】「人在家便在」 胡志偉團隊賣應節卡揮春籌款
【明報專訊】民主派「35+初選案」部分被告目前還押，今個月會喺獄中度過第二個聖誕節，民主黨團隊都好關顧獄中黨友，繼續擺市集推售應節貨品為黨友... 詳情
【Emily】早年隨田二少過檔 蘇嘉雯重回新民黨
【明報專訊】屯門區議員蘇嘉雯（圖）最近重新加入新民黨，佢2017年曾跟隨立法會議員田北辰退黨，新民黨主席葉劉淑儀同Emily講，佢認為蘇嘉雯... 詳情
學者研新型鎂合金 冀棄稀土減排 港大黃明欣獲裘槎獎 冀科研成果「香港製造」
【明報專訊】由日常使用的手提電腦、汽車，以至翱翔天際的飛機、穿越大氣層的火箭，都要用上鎂合金。鎂合金是目前最輕的負重金屬，柔韌度也難有其他金... 詳情相關新聞
