【Emily】早年隨田二少過檔 蘇嘉雯重回新民黨
[2022.12.19] 發表
【明報專訊】屯門區議員蘇嘉雯(圖)最近重新加入新民黨，佢2017年曾跟隨立法會議員田北辰退黨，新民黨主席葉劉淑儀同Emily講，佢認為蘇嘉雯係非常優秀嘅區議員，親自邀請對方「回娘家」，最終蘇嘉雯幾個月前答應返嚟。
2019區選新民黨盡墨
蘇加盟後再有區議員
蘇嘉雯早於2013年加入新民黨，2016年曾代表黨參選立法會，排喺名單第三位，到2017年跟隨田北辰退黨組成實政圓桌。葉太話雖然蘇嘉雯曾退黨，但雙方關係友好，一直有溝通，對方早前接受邀請重新入黨，不過就比較低調，無特別宣布。
新民黨於2019年區議會選舉全軍覆沒，蘇嘉雯入黨後令該黨再有區議員。對於會唔會再招攬其他無黨派議員入黨，葉太強調唔會為增加區議員數目而招攬，認為最重要係雙方理念相近。Emily向蘇嘉雯查詢，佢就話無回應。
更多港聞
學者研新型鎂合金 冀棄稀土減排 港大黃明欣獲裘槎獎 冀科研成果「香港製造」
【明報專訊】由日常使用的手提電腦、汽車，以至翱翔天際的飛機、穿越大氣層的火箭，都要用上鎂合金。鎂合金是目前最輕的負重金屬，柔韌度也難有其他金... 詳情
【明報專訊】水墨畫家對大自然的觀察，將眼前所見轉為筆下技法，以呈現山石構造、肌理、質感和陰陽向背，此表現形式為之「皴法」。中大及康文署主辦「...
詳情
相關新聞
