【Emily】「人在家便在」 胡志偉團隊賣應節卡揮春籌款
[2022.12.19] 發表
【明報專訊】民主派「35+初選案」部分被告目前還押，今個月會喺獄中度過第二個聖誕節，民主黨團隊都好關顧獄中黨友，繼續擺市集推售應節貨品為黨友林卓廷、胡志偉及尹兆堅籌款。其中胡志偉嘅團隊會發售商品包括「香港人的聖誕卡」、「香港人的揮春」，話設計概念係「無論身在何方、被困與自由，只要人在、家便在」。志偉嘅團隊話，志偉一直希望喺牆外嘅朋友仍能好好生活，所以今次張聖誕卡印上「STAY STRONG STAY CALM」嘅浮水印，而一套四張揮春則分別為 「一生平安」、「好好呼吸」、「多多喝水」、「福」，希望大家能互相鼓勵。
與阿廷產品旺角銀城廣場銷售
林卓廷嘅團隊早前就推出聖誕曲奇同聖誕卡套裝，話網上反應唔錯，已停收網購，但顧及到一班唔方便網購嘅朋友，團隊拎咗批貨品去市集銷售。志偉及阿廷嘅產品喺旺角銀城廣場隱世市集銷售，有興趣者可以瀏覽佢哋facebook留意開檔時間。
更多港聞
【Emily】早年隨田二少過檔 蘇嘉雯重回新民黨
【明報專訊】屯門區議員蘇嘉雯（圖）最近重新加入新民黨，佢2017年曾跟隨立法會議員田北辰退黨，新民黨主席葉劉淑儀同Emily講，佢認為蘇嘉雯... 詳情
學者研新型鎂合金 冀棄稀土減排 港大黃明欣獲裘槎獎 冀科研成果「香港製造」
【明報專訊】由日常使用的手提電腦、汽車，以至翱翔天際的飛機、穿越大氣層的火箭，都要用上鎂合金。鎂合金是目前最輕的負重金屬，柔韌度也難有其他金... 詳情
【明報專訊】水墨畫家對大自然的觀察，將眼前所見轉為筆下技法，以呈現山石構造、肌理、質感和陰陽向背，此表現形式為之「皴法」。中大及康文署主辦「...
詳情
相關新聞
