【Emily】輪羽一哥不煙 「截肢復元快」
[2022.12.03] 發表
【明報專訊】吸煙與健康委員會近排搵咗唔少名人宣傳戒煙，今次搵咗輪椅羽毛球「一哥」陳浩源分享經歷。陳浩源話自己成日被誤會係煙民，但其實佢好抗拒煙味，人生無吸過一支煙。22歲時，陳浩源遇上嚴重車禍而要截肢，失去左腿，留醫其間醫生同佢講，好彩佢無吸過煙，所以傷口復元較快。
「無人知意外幾時嚟」
陳浩源認為，無人知道意外幾時嚟，只能喺當下培養好習慣，即使意外發生，仍有較好條件嘅復元。
陳浩源話運動員要控制飲食，例如戒糖同澱粉質，佢覺得糖分同吸煙一樣會成癮，過程會遇到心魔、朋輩誘惑等，但只要堅持，自然培養出習慣，仲建議大家做運動分散注意，做運動時腦部釋放嘅荷爾蒙仲可以改善情緒、傳遞使人愉悅嘅感覺、減壓、改善血液循環同睡眠質素。
更多港聞
【明報專訊】每逢天氣轉涼，香港紅十字會輸血服務中心嘅血庫都可能有「危機」，紅十字會話𠵱家血庫得番3至4日存量，呼籲市民盡快捐血，並引述一名...
詳情
相關新聞
