【Emily】監警會訪交警基地 了解科技執法
[2022.12.03] 發表
【明報專訊】監警會主席王沛詩日前聯同其他委員、秘書處職員去警方西九龍交通行動基地，了解警方點用科技協助交通執法同減少相關投訴，委員仲參與示範俗稱「吹波仔」嘅酒後駕駛呼氣測試，同埋針對藥駕、毒駕嘅快速口腔液測試。警方亦向委員介紹常用嚟協助執法嘅科技，包括點樣用「車內速度及自動車牌識別綜合系統」加強打擊交通罪行。
監警會話過去5年，與交通相關嘅投訴個案均佔每年整體投訴數字接近兩成，當中超過九成涉及警員疏忽職守、行為不當、態度欠佳等指控。王沛詩話監警會已向警方提出14項相關改善建議，樂見警方有跟進。翻查監警會今年6月刊物，有關建議包括優化999控制台同報案室人員處理違例泊車舉報嘅程序，制定標準文稿畀警員向市民講解等。
更多港聞
【明報專訊】每逢天氣轉涼，香港紅十字會輸血服務中心嘅血庫都可能有「危機」，紅十字會話𠵱家血庫得番3至4日存量，呼籲市民盡快捐血，並引述一名...
詳情
相關新聞
