【Emily】年輕人人口近年續跌 曾俊華：港似面對流失中的未來
[2022.10.24] 發表
【明報專訊】前財政司長曾俊華一向關注青年發展，佢噚日喺facebook提到2019年起，唔計今年，近三年年輕人口持續下跌，20歲以下少咗6萬人，20至29歲少9.4萬人，30至39歲少6.7萬人，當30歲以下年輕人口佔香港人口少於三分一，「絕對係一個好大嘅警號嚟」，形容香港似乎正面對「流失中的未來」。
曾俊華問到青年係香港嘅未來，咁香港青年嘅未來呢？佢提到，不時聽到掌權者將社會問題歸咎於無好好處理青年問題，尤其教育，但佢出席外國商會研討會時，大家反而關心21世紀科技發展勢不可當，新一代價值觀唔同，企業可以點樣調整策略，創造更多機會畀年輕一代。
佢話成日聽到人講年輕人最關心係無錢買樓，但佢唔覺得買磚頭係佢哋人生最優先項目，或者因為樓價實在太高。佢話大城市例如倫敦同紐約，大部分人都係租樓，反問點解一定要買？又話呢代人同時關心其他社會議題，例如平權或殘疾人士政策。
曾俊華提到，唔少人成日叫年輕人快啲去大灣區發展，佢話當然同意後生仔女放眼遠方，但同時覺得點解大家唔講香港都係大灣區一部分，香港已經係大灣區好重要嘅龍頭地方。
更多港聞
24/25學年前STEAM目標 75%高小推強化編程
【明報專訊】上周發表的《施政報告》，其中關鍵績效指標（KPI）共有4分項涉及STEAM（科學、科技、工程、藝術和數學）教育，於教育政策範疇內... 詳情
【明報專訊】國際學術網站Research.com公布首設的「全球頂尖女性科學家」排行榜，列出全球首1000名女科學家，中大醫學院共3名教授入...
詳情
相關新聞
