【Emily】青民發電郵無BCC 邊個報名培訓計劃一眼睇晒
[2022.10.24] 發表
【明報專訊】青年民建聯(青民)搞咗個「我要做幕僚」培訓計劃，收到約60個後生仔報名。不過Emily聽聞，青民以電郵通知申請人面試時出咗少少意外，唔記得以密件副本抄送報名者，結果參加者嘅電郵資料，邊個報名一眼睇晒。
據Emily了解，名單中大部分都唔係公眾人物，少數人就用大學電郵登記，或用內地常見嘅電郵帳戶登記(qq.com)，比較特別係其中一個申請者係地產經紀。
青民主席施永泰(Noel)就同Emily話要再了解事件，但承認呢類電郵通常都要密件副本抄送(BCC)，唔排除係手民之誤。Noel話，面試前都要請申請者到場寫低對《施政報告》嘅睇法，所以申請者大家都見過，唔係咩好秘密嘅事。
Noel話，今次無特別限制參加者年齡，所以最細有中學生報名，亦有畢業後工作多年、30幾歲嘅人報名。計劃原先預5個民建聯議員參與，1個議員帶5個，但話如反應熱烈，可能再搵多啲議員落水幫手。
更多港聞
【明報專訊】中環海濱本周四舉辦戶外電影放映會，原定播放《蝙蝠俠：黑夜之神》，但主辦機構「The Grounds」引述電檢處話電影嘅暴力程度不...
詳情
【Emily】特殊馬拉松 兩人一組「奔向共融」
【明報專訊】香港賽馬會慈善信託基金第11年支持東華三院，噚日舉辦「奔向共融」特殊馬拉松活動。活動喺中西區海濱長廊舉行，今次有400人參加，大... 詳情
【明報專訊】前財政司長曾俊華一向關注青年發展，佢噚日喺facebook提到2019年起，唔計今年，近三年年輕人口持續下跌，20歲以下少咗6萬...
詳情
24/25學年前STEAM目標 75%高小推強化編程
【明報專訊】上周發表的《施政報告》，其中關鍵績效指標（KPI）共有4分項涉及STEAM（科學、科技、工程、藝術和數學）教育，於教育政策範疇內... 詳情相關新聞
