【Emily】梁熙阿葛傾青年發展
[2022.10.24] 發表
【明報專訊】民建聯立法會議員梁熙(右)噚日上載一張同葛民輝(阿葛，左)嘅合照，仲講笑要組成新登場二人男子組合。梁熙同Emily講，原來佢同阿葛之間有共同朋友，所以早前特意約對方食飯，交流對青年同文化發展嘅睇法。佢引述阿葛寄語年輕人，做事要「打定輸數」，因為唔係每個人都輕易成功，可能浮浮沉沉，有失敗嘅準備好重要。
梁熙話，「軟硬天師」嘅音樂同電台電視節目陪住佢長大，好高興有機會同阿葛聚首談天，並趁機邀請對方日後向青年分享個人經驗。佢引述阿葛，認為香港喺文化創意範疇有好多機遇，雖然發展路難免有挫折，只要青年對文化有足夠熱愛，總會搵到屬於自己嘅一片天。 梁熙亦提到，《施政報告》建議每年舉行「流行文化節」，認為「軟硬天師」係1990年代本港流行文化代表之一，希望「文化節」可以選取「軟硬」作為其中一個主題。
更多港聞
【Emily】特殊馬拉松 兩人一組「奔向共融」
【明報專訊】香港賽馬會慈善信託基金第11年支持東華三院，噚日舉辦「奔向共融」特殊馬拉松活動。活動喺中西區海濱長廊舉行，今次有400人參加，大... 詳情
【明報專訊】前財政司長曾俊華一向關注青年發展，佢噚日喺facebook提到2019年起，唔計今年，近三年年輕人口持續下跌，20歲以下少咗6萬...
詳情
24/25學年前STEAM目標 75%高小推強化編程
【明報專訊】上周發表的《施政報告》，其中關鍵績效指標（KPI）共有4分項涉及STEAM（科學、科技、工程、藝術和數學）教育，於教育政策範疇內... 詳情
【明報專訊】國際學術網站Research.com公布首設的「全球頂尖女性科學家」排行榜，列出全球首1000名女科學家，中大醫學院共3名教授入...
詳情
相關新聞
