【Emily】實習生提廉署宣傳「盲點」 胡英明大讚
[2022.10.18] 發表
【明報專訊】擔任廉政專員3個幾月嘅胡英明，喺新一篇隨筆講到廉署嘅青少年倡廉教育策略。佢形容廉署嘅青少年教育好似智能手機操作，要適時「同步」及「更新」，「同步」係講緊配合年輕人思維，步伐一致；「更新」就係不時有創新思維，保持新鮮感，令青少年感興趣。
胡英明話早前知道有多名大學生喺廉署做短期實習生，即刻主動要求同佢哋見面，傾咗成個鐘，聽年輕人講興趣、對廉署嘅睇法等，獲益良多。胡英明認為「年輕」係佢哋最大優勢，雖然佢哋社會經驗尚淺，但就冇成年人嘅「框框」，席間提出咗唔少廉署宣傳教育工作上冇發現到嘅「盲點」，對廉署更新社區教育方針有唔少裨益。
胡英明又話，從小教育學生守法循規、誠實正直、認識國家同身分認同嘅正確價值觀，就好似打咗有效嘅反貪「疫苗」，幫佢哋長大後有抗拒貪污嘅「抗體」。
更多港聞
【明報專訊】入境檢疫放寬至「0+3」，公務員事務局前局長聶德權（Patrick）噚日朝早就為去旅行做準備，到運輸署申請國際駕駛許可證，排隊攞...
詳情
【Emily】接棒選勞顧會 林偉江：勞資非你死我活
【明報專訊】勞工顧問委員會勞方委員選舉下月12日舉行，工聯會鄧家彪唔競逐連任，身兼工聯會副理事長嘅汽車交通運輸業總工會秘書長林偉江接棒參選，... 詳情
相關新聞
