【Emily】聶德權申國際牌等3個鐘 運輸署長留言解畫
[2022.10.18] 發表
【明報專訊】入境檢疫放寬至「0+3」，公務員事務局前局長聶德權(Patrick)噚日朝早就為去旅行做準備，到運輸署申請國際駕駛許可證，排隊攞證用咗3個鐘。Patrick喺facebook話，「應該是『0+3』效應」，形容「排隊的市民特別多，長龍久久不散」，如時間充裕會透過預約或郵寄申請。
Patrick喺帖文上載相片，枱面放有佢申請到嘅「國際牌」，又hashtag話「#做好準備去旅行」。有朋友留言問佢係咪計劃外遊，聶德權就覆話「急不及待」。
Patrick出post，估唔到運輸署長羅淑佩喺帖文留言，感謝佢嘅體諒同耐心，署長話近期多咗市民出門，申請「國際牌」嘅人自然增加，會盡量加人手，但要消除人龍「真的有難度」。羅署長提供貼士，話若市民計劃出門，「就提早透過郵寄申請吧，大概10個工作天可以收到」。
更多港聞
【Emily】接棒選勞顧會 林偉江：勞資非你死我活
【明報專訊】勞工顧問委員會勞方委員選舉下月12日舉行，工聯會鄧家彪唔競逐連任，身兼工聯會副理事長嘅汽車交通運輸業總工會秘書長林偉江接棒參選，... 詳情
相關新聞
