【Emily】主教山配水庫增設免費自助遊 每日3節各一個鐘 名額各50
[2022.10.15] 發表
【明報專訊】水務署噚日宣布，前深水埗主教山配水庫(圖)由本月31日起每日增設3節自助導賞遊時段，每節一個鐘，名額各50個，費用全免，𠵱家每日3團導賞團嘅安排就維持不變。署方預計新增自助遊後，配水庫每日可接待嘅訪客會由𠵱家約80人，增加到230人。截至上月底，導賞團已接待約8900人次。
市民可以喺下周一(17日)朝早9點開始，喺「前深水埗配水庫自助導賞遊」專頁預約由本月31日至下月30日嘅自助遊。下個月開始，系統會喺每月第一個工作日朝早9點開始，顯示未來兩個月可預約嘅參觀時段，如有人取消預約，名額會即時釋放畀大家重新預約。自助遊嘅參加者喺現場掃描景點二維碼，或喺自助遊專頁下載，就可以收聽語音導賞，介紹配水庫嘅內外設計、九龍食水供應系統發展歷史等資訊。
主教山配水庫前年年底清拆時發現地底有古羅馬式建築，事件曝光後工程煞停，之後被評為一級歷史建築，並做工程加固，包括喺配水庫缺口加設玻璃蓋頂，同埋加建樓梯通往配水庫內部，地面亦鋪上草皮，喺舊年12月開始推出導賞團。
更多港聞
【Emily】關長何珮珊跑3.5公里 撐特奧火炬跑
【明報專訊】今年嘅「特奧執法人員火炬跑」開始咗喇！香港海關噚日喺社交專頁上載宣傳短片，由關長何珮珊聯同各首長級長官身體力行，首先跑完3.5公... 詳情
【明報專訊】特首李家超下星期三公布《施政報告》，佢一早預告會有「搶企業、搶人才」嘅政策，有消息話其中一項措施，係放寬非香港永久居民置業嘅買家...
詳情
相關新聞
