【Emily】尖東站行人隧道變身地標壁畫走廊
[2022.10.15] 發表
【明報專訊】港鐵尖東站同尖沙嘴站之間嘅行人隧道噚日變身壁畫走廊，展示咗17個尖沙嘴地標，為超過200米長嘅通道增添趣味。壁畫由本地資深插畫及平面設計師鄭琪琪創作，以紅、黃、綠區3種顏色同埋各地標為主要創作元素，包括天星碼頭、星光大道、鐘樓、文化中心、科學館、太空館、海港城等。
港鐵話呢個項目係響應運輸署「香港好．易行」計劃，仲同旅發局、運輸署合作，為各地標圖案加上QR Code，行人可用AR同地標圖畫合照，亦可以直接查吓地標介紹，同埋連結到「香港出行易」網頁或App，了解前往地標嘅最佳路線。
更多港聞
相關新聞
