【Emily】foodpanda伙WWF推重用餐盒計劃
[2022.10.04] 發表
【明報專訊】疫情掀外賣熱潮，產生大量即棄餐具。外賣平台foodpanda同世界自然基金會香港分會(WWF)合作，推出可重用餐具回收先導計劃，為期11個月，首階段會向近40間餐廳提供8000個可重用餐盒，用戶可以喺foodpanda指定合作嘅餐廳，選擇提供可重用餐盒嘅菜式，食完後喺港島9個回收點歸還餐盒。
暫40餐廳參與 港島設9回收點
可重用餐盒有兩款容量(1380毫升及650毫升)，參與計劃嘅餐廳會因應菜式需要選擇可重用餐盒；至於用戶喺確認訂單後，要畀多10蚊做按金，之後喺中環、金鐘、灣仔、銅鑼灣共9個回收點歸還餐盒，就可以用八達通攞番按金。
WWF同foodpanda噚日喺中環街市舉行啟動禮，出席嘅環保署助理署長(減廢及回收)方健華就話，政府草擬緊修例草案，實施首階段管制即棄餐具計劃，最快今年底或明年初交畀立法會審議。
更多港聞
【Emily】巡房委商場公廁 顏汶羽批監管不力
【明報專訊】人有三急去公廁，遇到個污糟邋遢、設備不全嘅都幾濕滯。民建聯九龍東立法會議員顏汶羽上個月喺區內做調查，睇咗9個房委會轄下嘅商場公廁... 詳情
【明報專訊】2019年反修例運動期間喺尖沙嘴警署外被射傷眼球嘅女仔「K」，去年底已經移居加拿大。近日有自稱係「K」嘅人喺網上上載短片講自己生...
詳情
相關新聞
