【Emily】巡房委商場公廁 顏汶羽批監管不力
[2022.10.04] 發表
【明報專訊】人有三急去公廁，遇到個污糟邋遢、設備不全嘅都幾濕滯。民建聯九龍東立法會議員顏汶羽上個月喺區內做調查，睇咗9個房委會轄下嘅商場公廁，話有四大問題：自動感應設施不足、設備長期待修、地板濕滑有積水、消耗品長期不足。
顏汶羽話問題最嚴重係油麗商場公廁，男廁3個尿兜有一個損壞，3個廁格有一個損壞，5個洗手枱有一個損壞，長期無人維修。佢認為公廁衛生差，喺疫情下間接帶嚟健康風險，亦降低市民使用意欲。佢話問題在於房委會監管不力，大部分外判公司簽約後唔積極，呼籲制定「關鍵績效指標」(KPI)，同時引入公廁評分。佢提出6項建議，包括改善公廁維修保養嘅監管制度、引入服務評分設備、安裝三合一「一站式」鏡櫃型洗手盆、設備改為免觸式、安裝「智能公廁系統」、引入智能馬桶清潔系統。
更多港聞
【明報專訊】2019年反修例運動期間喺尖沙嘴警署外被射傷眼球嘅女仔「K」，去年底已經移居加拿大。近日有自稱係「K」嘅人喺網上上載短片講自己生...
詳情
相關新聞
