【Emily】瑞典首相馮京作馬涼 「卓慧思」幽默回應
[2022.09.07] 發表
【明報專訊】英國保守黨魁選舉塵埃落定，卓慧思(Liz Truss)正式拜相並接受各國領袖恭賀，不過過程就鬧出小烏龍。話說瑞典首相安德松錯手喺Twitter恭喜同卓慧思網名幾乎一樣嘅英國網民Liz Trussell，後者好幽默回應話：「期待到訪，記得準備定肉丸！」瑞典首相隨後刪帖，但已有唔少網民「cap圖」廣傳。
平民Liz：期待到訪 記得準備肉丸
鬧出呢單烏龍嘢，係因為Liz Trussell嘅Twitter帳戶名(@Liztruss)同卓慧思好相似。正牌首相卓慧思嘅帳戶名，姓氏同名字調轉(@Trussliz)。
有部分不滿卓慧思嘅英國議員都「tag錯人」、「鬧錯人」，但發現自己「鬧錯」之後，就兜番話不如搵網民Liz Trussell做首相好過，而Liz Trussell本人都幽默話自己好得閒，隨時準備好去白金漢宮覲見英女王咁話。
更多港聞
【Emily】迪士尼義工入大澳 同大細路學整燈籠
【明報專訊】禮拜六就係中秋節，迪士尼義工隊舊年11月開始同鄰舍輔導會合作，每個月定期打電話畀住喺東涌、梅窩同大澳嘅長者，關心佢哋喺疫情入面嘅... 詳情
【明報專訊】今年將連續第4年取消十一國慶嘅煙花匯演。康文署噚日宣布，因應新冠疫情嘅最新情况，今年國慶煙花將會取消。Emily睇番資料，201...
詳情
教局出文言篇章冊助教學 教師倡加強師訓改教學法 莫止於理解
【明報專訊】教育局去年增設中文科「建議篇章」，初小、高小、初中及高中按4個階段學習文言經典作品，期望學校2024/25學年或之前逐步加入課程... 詳情
相關新聞
