【Emily】黃碧雲去塌閘現場 質疑唔係純屬意外
[2022.08.19] 發表
【明報專訊】民主黨九龍西立法會前議員黃碧雲即使無做議員，仍然十分關注區內以至香港民生議題。今個星期一油麻地母嬰健康院塌鐵閘壓斃女保安，黃碧雲喺facebook話前日再去到意外現場，佢提出多個質疑，例如據報有關鐵閘已壞咗兩個星期，點解一直拖延未維修、有冇人提醒員工用人手開關鐵閘嘅安全措施等。佢認為呢個係政府物業，政府有責任保障使用者嘅安全。
碧雲喺意外發生當日嘅凌晨已經喺fb話當日傍晚去油麻地警署報到，路過現場，見好多警察同埋冧咗嘅鐵閘，當時唔知道有保安員受傷。
話唔見有安全裝置 促公開調查報告
佢噚日喺fb描述自己在場嘅觀察，提出質疑，例如似乎睇唔到安全裝置等，「(意外死者)魏女士只是替假的工人，她的死看來並非純屬意外咁簡單，是絕對應該避免的。希望調查報告早日完成及公開，並還家屬一個公道！」
更多港聞
【明報專訊】副政務司長卓永興前日出席立法會「前廳交流會」，向議員講笑咁話唔好叫佢「鼠王興」，因為個名有專利，擔心有「鼠王芬」之稱嘅經民聯議員...
詳情
相關新聞
