【Emily】葵青兩前區議員 吳劍昇唐皓文退民主黨 吳：個人家庭原因
[2022.07.27] 發表
【明報專訊】Emily獲悉，葵青前區議員吳劍昇同唐皓文退出民主黨，有說法話兩人喺7月中民主黨晚宴宣布取消之後退黨。唐皓文以往喺地區活動海報上嘅電話已暫停服務，未能聯絡上，Emily向吳劍昇查詢兩人退黨原因，佢話「冇咩特別，我哋寫畀黨嘅信，都係講個人同家庭原因」，佢又話已經考慮咗一段時間，冇考慮晚宴嘅事。至於提出退黨嘅確實日期，吳劍昇就話唔方便透露，「冇特別同所有人講」。
有說民主黨取消晚宴後退黨
吳：考慮一段時間 無考慮晚宴
早前民主黨就香港回歸25周年而發布嘅「立場書」，受到建制報章、全國僑聯副主席盧文端抨擊，退黨有冇考慮呢方面？對民主黨未來點睇？吳劍昇話對其他情况冇考慮，只係「呢個時間，it happens to be，唔會話因為某啲嘢退黨、某啲嘢唔退黨」。
更多港聞
【明報專訊】陳健波獲委任為行會成員，將會辭任立法會財委會主席。據Emily了解，建制派已經協調好，由財委會副主席陳振英接任主席，自由黨易志明...
詳情
【明報專訊】香港民意研究所月初訪問咗1003個香港市民，要求佢哋喺未經提示下講出10個最熟悉嘅當今中國同台灣領導人名稱，再為佢哋嘅支持度評分...
詳情
相關新聞
