【Emily】建制派傾掂數 擬陳振英坐正財會主席
[2022.07.27] 發表
【明報專訊】陳健波獲委任為行會成員，將會辭任立法會財委會主席。據Emily了解，建制派已經協調好，由財委會副主席陳振英接任主席，自由黨易志明就會做副主席。陳振英同Emily講，已經交表參選財會主席，暫未決定會唔會辭任帳委會主席。
身兼帳委會主席嘅陳振英早前喺記者會講過，議員無可能兼任帳委會同財會主席。Emily問佢一旦當選財會主席，會唔會辭去帳委會主席，佢就話要先睇下能否兼顧兩邊工作，加上立法會放緊暑假，認為毋須急於辭任。
盧偉國接房屋委 廖長江接司法委
另外，因應多名議員加入新政府，部分事務委員會正副主席崗位都出缺，其中民青局長麥美娟本來係房屋事務委員會主席，預計會由經民聯盧偉國接棒。至於律政司副司長張國鈞原本係司法及法律事務委員會主席，個位好大可能由建制派「班長」廖長江擔任。
更多港聞
【明報專訊】香港民意研究所月初訪問咗1003個香港市民，要求佢哋喺未經提示下講出10個最熟悉嘅當今中國同台灣領導人名稱，再為佢哋嘅支持度評分...
詳情
相關新聞
