【Emily】遊德惹議 梁熙質疑「著草」 卿姐去遊埠 反駁「走佬說」
[2022.07.04] 發表
【明報專訊】臨近暑假，唔少政界人物外遊鬆一鬆，民主黨前主席劉慧卿前日就上載照片話去德國放假，並順利經泰國曼谷轉機到德國。不過，唔少建制傳媒同建制中人都對民主派出關外遊有啲敏感，民建聯立法會議員梁熙就喺facebook轉載相關新聞，問「假遊埠真著草？」卿姐就同Emily講，指走佬一說「當然錯誤」。
劉慧卿前日打風期間出發去德國，並得到大學師弟、會計界前議員梁繼昌送機。卿姐喺提及自己上咗飛機嘅facebook帖文中，加咗hashtag「會回來的」、「Iwillbeback」。梁熙噚日就喺fb轉載卿姐離港相關報道，質疑「經常高談謬論縱暴嘅劉慧卿已經離港，雖然話只係去遊埠，但一個二個都走去送機，其實大家都心知肚明」。
外國大部分國家都已經取消入境檢疫同口罩令，卿姐去到德國慕尼黑機場等攞行李時，都已急不及待除咗口罩影相，黨友黃碧雲留言祝卿姐旅途愉快，但亦有人當咗卿姐會長留外地咁，話「一路順風，莫回頭」。
更多港聞
【Emily】環團觀察估算 超市年派4.37億個膠袋
【明報專訊】有說港人濫用膠袋問題嚴重，綠領行動上月派員到全港50間超市觀察，每間超市逗留約半個鐘，點算派發膠袋情况，發現每間超市平均每分鐘派... 詳情
【Emily】首輛雙層電巴進軍九龍 今起試行啟德3線
【明報專訊】全港首輛雙層電能巴士「ELECTRICitybus」由城巴擁有，6月19日起喺港島區「落地」投入服務，行走該公司由東院道香港大球... 詳情
【Emily】民記議員郭玲麗 考獲「災難醫療助理」
【明報專訊】本身係醫療輔助隊隊員嘅民建聯選委會界別立法會議員郭玲麗，噚日喺facebook上載一張「災難醫療助理」嘅證件相，形容「打鐵還需自... 詳情
【Emily】林村匯演慶回歸 無人機拼出許願樹
【明報專訊】大埔民政事務處噚晚舉辦「林村河彩燈船巡遊匯演」典禮，節目包括無人機匯演，用200多架無人機拼出唔同圖案。Emily現場所見，「林... 詳情相關新聞
