【Emily】環團觀察估算 超市年派4.37億個膠袋
[2022.07.04] 發表
【明報專訊】有說港人濫用膠袋問題嚴重，綠領行動上月派員到全港50間超市觀察，每間超市逗留約半個鐘，點算派發膠袋情况，發現每間超市平均每分鐘派發0.8個背心袋及1.2個平口袋；以此推算全港近700間超市、各每日營業14小時，每年派發共4.37億個膠袋，當中1.7億個為背心袋，2.67億個為平口袋。
另外，綠領行動上月做網上問卷調查，771名受訪市民中，約75%贊成膠袋徵費水平應在2元或以上，先可以合理而有效地減少市民用膠袋。
綠領行動倡徵費加到2元
綠領行動總幹事何漢威話，調查發現個別超市職員懷疑主動向顧客免費派發背心袋，亦有超市將平口袋放喺自助收銀機旁邊任取用，有顧客一次過攞咗3個平口袋。何漢威話，膠袋徵費實施多年，政府早前建議將徵費由每個5毫增至1元，最快今年底推行，但佢認為1元已不足以改變市民嘅生活習慣，應加到2元或以上；又話除咗調升徵費水平，政府亦應加強巡查超市，向違規派背心袋嘅超市執法，以增阻嚇力。
更多港聞
【Emily】首輛雙層電巴進軍九龍 今起試行啟德3線
【明報專訊】全港首輛雙層電能巴士「ELECTRICitybus」由城巴擁有，6月19日起喺港島區「落地」投入服務，行走該公司由東院道香港大球... 詳情
【Emily】民記議員郭玲麗 考獲「災難醫療助理」
【明報專訊】本身係醫療輔助隊隊員嘅民建聯選委會界別立法會議員郭玲麗，噚日喺facebook上載一張「災難醫療助理」嘅證件相，形容「打鐵還需自... 詳情
【Emily】林村匯演慶回歸 無人機拼出許願樹
【明報專訊】大埔民政事務處噚晚舉辦「林村河彩燈船巡遊匯演」典禮，節目包括無人機匯演，用200多架無人機拼出唔同圖案。Emily現場所見，「林... 詳情
相關新聞
