【Emily】李家超葉文娟互笠高帽
[2022.06.20] 發表
【明報專訊】候任特首李家超噚日同候任官員一齊見記者，其中新一屆特首辦主任葉文娟(Carol)係唯一獲邀喺李家超單獨見記者環節上台發言嘅人，兩人喺發言時互笠高帽。李家超話同Carol識咗逾10年，讚Carol係一個「有全面觀嘅難得人才」、「人際關係良好，為人誠懇，敢於進言」，之後就邀請對方上台講幾句。
相識逾10年 互讚誠懇
Carol戴住口罩都難掩笑容，笑住話「多謝(候任)行政長官好美好嘅說話」，形容自己「一向性格都畀人感覺比較真誠」，希望可同各界溝通聯繫建立互信合作。Carol又讚李家超係「好誠懇、有抱負有理念，同時好重視團隊精神嘅一位領袖」，亦好樂意聽唔同意見。Carol喺結尾話，傳媒朋友中有不少父親，向各位講父親節快樂，又同旁邊嘅李家超講，「更加祝這位『好爸爸』父親節快樂」。
Emily睇番之前報道，李喺1990年接受《明報》訪問，當時33歲嘅佢獲長子提名，入選「十大現代父親新形象選舉」。
新民黨主席葉劉淑儀就同Emily講，好欣賞李家超揀政務官出身嘅葉文娟做特首辦主任，反映有人攻擊「AO黨」，絕對係無稽，佢形容新班子人選都係才德兼備。葉太又叫Emily留意吓，新班子啲衣著襯晒色，女性官員衣著主色係白色，男士就藍呔，「啲色水好和諧」，又話白色象徵廉潔。
更多港聞
【明報專訊】西九文化區M+博物館至今已錄得超過80萬人次參觀，但候任文化體育及旅遊局長、現任教育局長楊潤雄原來仲未去過，「因為社會都好多人去...
詳情
【Emily】候任商經局長丘應樺 阿爺係「愛國詩人」丘逢甲
【明報專訊】台灣中央社噚日報道，候任商務及經濟發展局長丘應樺嘅爺爺，係有「愛國詩人」之稱嘅丘逢甲，根據台灣文化部嘅資料，丘逢甲係清末時期台灣... 詳情
【Emily】與何秀蘭聚餐 黃碧雲：要敬佢一杯
【明報專訊】因煽惑參與遊行等案入獄嘅立法會前議員何秀蘭（Cyd，右）月中刑滿出獄後，唔少政圈好友都有約佢聚聚。立法會前議員黃碧雲（左）日前都... 詳情
相關新聞
