【Emily】警察體驗日 926人報名投考
[2022.06.20] 發表
【明報專訊】警隊噚日喺警察學院舉辦招募．體驗日，有1998人參加，當中有926人即場報名投考，155人申請見習督察、657人投考警員、114人申請輔警。招募組警司陳純青就話，體驗日反應熱烈，反映市民對加入警隊嘅意願不斷提升。
體能試小組面試「試當真」
陳純青提到，警方目標喺今年招募240名見習督察同1350名警員。自警隊4月起取消「在港居住7年或以上」嘅入職資格，𠵱家有26名投考人符合新資格，佢哋住喺香港半年至6年不等，當中有22人持大學學位，部分投考者已到遴選中嘅品格審查階段。
噚日嘅體驗日仲首設兩項「試當真」環節，讓參加者參與「體能測試」和「小組面試」，雖說體驗性質，如參加者喺測試或面試及格，喺3個月內正式投考警隊就可豁免相關考核。喺內地來港10年、21歲嘅沈先生話，原本希望參加體能工作坊，奈何因額滿只能參觀，但亦無阻佢投考警隊嘅決心。
陳純青又呼籲應屆DSE畢業生加入警隊，認為不論成績如何，都可以考慮參與警務工作。佢又話，警方會去唔同中學同大學招募，希望向年輕人解釋警務工作，吸納更多青年及早加入警隊。
更多港聞
港大經管新課程跨科解難 從打擊黃牛到公司日常運作
【明報專訊】港大經管學院新學年推出理學士（營銷分析及科技）課程，副總監范亭亭表示，大數據分析對於演唱會門票發售、商業機構日常運作等有舉足輕重... 詳情相關新聞
