【Emily】未去過M+ 楊潤雄︰畀人去先
[2022.06.20] 發表
【明報專訊】西九文化區M+博物館至今已錄得超過80萬人次參觀，但候任文化體育及旅遊局長、現任教育局長楊潤雄原來仲未去過，「因為社會都好多人去，所以畀佢(哋)去咗先，但當我上任之後會爭取盡快去睇一睇」。佢話西九文化區好重要，未來會諗吓點樣用西九帶動整體香港文化發展。
冇答有冇睇本地足球
至於香港足球隊事隔54年再闖入亞洲盃決賽周，被問及有冇睇同點樣發展本地波，楊潤雄冇答有冇睇比賽，但就話有留意賽事，港隊再入決賽周令香港人開心鼓舞，上任後會同同事討論推動本地足球以至其他本地賽事。
港澳辦話新班子「五光十色」，有來香港追夢、扎根香港、以香港為家嘅「新港人」，北京長大嘅創新科技及工業局長孫東就係呢一位「新港人」，佢噚日被問到用普通話發言會唔會影響同公眾及同事溝通，孫東就話自己識聽廣東話，未來落區同埋與同事溝通都會多講廣東話，未來亦會多學習，又用半鹹淡廣東話講：「你用廣東話同我溝通，絕對冇問題。」
更多港聞
【Emily】候任商經局長丘應樺 阿爺係「愛國詩人」丘逢甲
【明報專訊】台灣中央社噚日報道，候任商務及經濟發展局長丘應樺嘅爺爺，係有「愛國詩人」之稱嘅丘逢甲，根據台灣文化部嘅資料，丘逢甲係清末時期台灣... 詳情
【Emily】與何秀蘭聚餐 黃碧雲：要敬佢一杯
【明報專訊】因煽惑參與遊行等案入獄嘅立法會前議員何秀蘭（Cyd，右）月中刑滿出獄後，唔少政圈好友都有約佢聚聚。立法會前議員黃碧雲（左）日前都... 詳情
港大經管新課程跨科解難 從打擊黃牛到公司日常運作
【明報專訊】港大經管學院新學年推出理學士（營銷分析及科技）課程，副總監范亭亭表示，大數據分析對於演唱會門票發售、商業機構日常運作等有舉足輕重... 詳情相關新聞
