初入行遇冷眼 林盛斌曾被諷「阿豬阿狗」
[2022.05.12] 發表
【明報專訊】林盛斌(Bob)主持的節目《360秒人生課堂》，最後兩集演講嘉賓分別有魯振順、以棟篤笑角度講述歧視問題的印度裔香港人阿V、曾因全身癱瘓一度有意輕生的嚴楚碧，以及面對「淪落」指控的Sales陳迪豪。Bob擔任壓軸演講嘉賓，講述入行初期如何遭受冷眼，以及感激嘲諷過他的人，成就今日強大的他。
Bob說：「記得當年在電台冇節目做，突然有一日有機會畀我錄電台廣告，平時錄廣告嗰位DJ係啤梨(葉文輝)，當日他生病，但個廣告又趕住出街，監製一見到我，行過就話：『你啦』，就係咁，錄了我人生第一次電台廣告，我好開心，好畀心機。個客聽完第一句就問『呢把聲邊個嚟？阿Bob？乜水嚟㗎？你唔好搵啲阿豬阿狗去錄我啲廣告呀。個廣告唔出街住，你等啤梨好番先再錄啦』。」
魯振順難忘母親牀邊餵食
魯振順感激亡母無私付出及照顧，一直默默支持他追尋演員夢，他說：「阿爸不贊成我參加訓練班，但阿媽沒理會他，叫我畀心機做好自己、爭番啖氣。那時實習做甲乙丙丁、行行企企，根本冇得瞓、冇得休息，所以有得瞓，就連飯也不吃，媽媽就坐在牀邊，用匙羮將食物塞落我嘴裏說『唔食嘢，冇營養會死㗎』。」
娛樂組
更多影視
姜受延舉殯 鄭雨盛扶靈 薛景求致悼辭：與她合作非常幸福
【明報專訊】1987年憑韓片《種女》贏得第44屆威尼斯影展最佳女主角的姜受延，本月5日腦中風入院，延至本月7日病逝，終年55歲。姜受延於三星... 詳情
相關新聞
