【Emily】立會餐廳招標 秘書處話諗緊擴大
[2022.05.12] 發表
【明報專訊】立法會大樓地下有間茶餐廳，平時係立法會職員、議員甚至記者「醫肚」嘅重要地方。立法會噚日開大會，主席梁君彥開會前同經民聯黨友林健鋒去餐廳食早餐、飲奶茶「充電」，並喺facebook出帖提醒飲食業行家把握機會入標，原因係現時餐廳經營者嘅營運許可證，將於7月31日屆滿，新營運許可證噚日開始招標，6月1日下午3時截標，梁君彥呼籲飲食業行家盡快入標。
營運許可為期4年 6．1截標
梁君彥提到，立法會大樓嘅擴建工程將會展開，立法會秘書處亦積極研究，之後要擴大餐廳範圍。
睇番立法會招標公告，有關嘅餐廳營運許可證由今年8月1日開始，為期4年，秘書處遲啲會舉辦招標簡報會。
更多港聞
【Emily】憶心臟病突襲 曾俊華籲勇於「認病」
【明報專訊】現年71歲嘅前財政司長曾俊華最近密密曝光，仲參與咗一項醫療推廣活動，呼籲病人要勇於「認病」。曾俊華噚日喺facebook撰文，講... 詳情
【Emily】自稱「半個傳媒人」 肥胡：你唔犯法無嘢驚㗎
【明報專訊】全國政協常委、華昇診斷中心董事長胡定旭，噚日接受民主黨前主席劉慧卿嘅網台節目《議會內外》訪問，傾到新聞自由，肥胡話新聞自由要有法... 詳情
【Emily】懷舊小食再推郵票 「一張兩件」5．26開售
【明報專訊】香港郵政舊年以「香港懷舊小食」為題，推出印有魚蛋、煎釀三寶等嘅特別郵票，大受歡迎，噚日佢哋宣布，今年再發行懷舊小食主題特色郵票同... 詳情
3科合併 中大政政面臨重組 立新學院「減重疊內容」 學生憂削敏感科目
【明報專訊】1970年創立的中大政治與行政學系（下稱政政）面臨重組。社會科學院成立的跨學科課程委員會，就檢討提交進度報告及展開諮詢，點名指政... 詳情
【明報專訊】城市大學人文社會科學院轄下的公共政策學系、亞洲及國際學系將會合併，8月起重新命名為「公共及國際事務」學系。被問合併後的改動、教學...
詳情
相關新聞
