【Emily】國家讚不辱使命 郭蔭庶感到好光榮
[2022.04.28] 發表
【明報專訊】副警務處長(管理)郭蔭庶屆退休之齡，噚日last day。佢2019年3月升任副處長，3個月後遇上反修例事件。佢接受最新一期《警聲》訪問(圖)，話反修例事件嘅「黑暴」令佢最痛心，其間佢把握出席聯合國人權理事會會議嘅機會，以中國代表團成員身分，發言「澄清失實指控」。國家話佢「不辱使命，超額完成」，令佢覺得好光榮。
57歲嘅郭蔭庶喺警隊工作接近32年，佢除咗做行動指揮同刑事調查嘅工作，亦曾經擔任警察學院基礎訓練中心主管，參與見習督察嘅遴選面試。每次面試，佢都會問考生點解想做警察，其中有一個考生嘅答案令佢印象好深刻，對方話當警察著住制服喺街上巡邏時，所有市民遇到嘅難題，都係警察嘅難題，由警察去解決。佢覺得考生嘅答案好反映到警察工作嘅意義。
郭蔭庶形容自己圓滿完成警察生涯，多謝警隊多年栽培，又鼓勵有志維護國家安全同香港治安嘅年輕人投身警隊，話係非常值得自豪嘅事。而「未來一哥」大熱人選、警務處高級助理處長周一鳴今日(28日)開始就會接替郭蔭庶升任副處長(管理)。
更多港聞
中大校長段崇智續任至2027 有學生籲重啟溝通 校董劉國勳盼洗「暴大污名」
【明報專訊】香港中文大學校長段崇智原定6年任期，校方昨日提早宣布他獲續任3年至2027年。他上任翌年發生反修例風波，曾赴中大「二號橋」衝突現... 詳情
【明報專訊】中學文憑試（DSE）昨日舉行中文科卷三聆聽及綜合能力考核，44,500人報考。考生需聽錄音及參考閱讀材料，擷取適用部分寫文章，以...
詳情
相關新聞
