【Emily】自由傳道人選特首 「強力領導唔係靠惡」
[2022.04.09] 發表
【明報專訊】前政務司長李家超計劃參選特首，仲好可能係唯一候選人，但無阻其他有志之士，噚日再有「素人」宣布參選特首選舉，報稱係「自由傳道人」同「心理輔導員」嘅傅昌權向傳媒發放佢手寫履歷，仲詳述參選原因，相當有誠意，佢亦將有關資料寄畀中聯辦主任駱惠寧𠻹！傅昌權同Emily講，兩個月前已決定參選，因為覺得政府太不濟，好多香港人經歷緊創傷後遺，問題正正出喺領導質素上，𠵱家宣布參選後，會努力向選委爭取提名。
對於李家超參選，傅昌權話前司長「識嘢少」，只係熟悉保安工作，仲話特首一職應該同時向中央同香港市民負責，但𠵱家嚴重傾斜，特首對市民、記者有欠尊重，話李家超以一副不耐煩嘅樣，以家長式語氣向市民同記者訓話，「強力領導唔係一味靠惡」。
話李家超「識嘢少」
睇番傅昌權寫嘅履歷，佢曾經係大學助教同中學教師，話自己教過宣道會鄭榮之中學，2014至17年轉做地產經紀。佢喺政綱提出多個目標，包括穩住香港金融中心地位，留住人力人才，仲會盡一切努力保障市民嘅基本幸福、人權同自由，穩步邁向雙普選政制、鞏固維護國家安全等。
更多港聞
【Emily】兩個月無見 王逸戰獄中「進化」大隻仔
【明報專訊】「賢學思政」前召集人王逸戰（圖）被控違反《港區國安法》，已還押約半年。佢facebook嘅編輯前晚交代王逸戰近况，話王之前喺獄中... 詳情
【明報專訊】立法會財務委員會近日正就《財政預算案》舉行特別會議，各政策局亦以書面回覆議員提問。因應今年香港回歸25周年，經民聯林健鋒向商務及...
詳情
相關新聞
