【Emily】回歸25年 港台炮製特輯

【明報專訊】立法會財務委員會近日正就《財政預算案》舉行特別會議，各政策局亦以書面回覆議員提問。因應今年香港回歸25周年，經民聯林健鋒向商務及經濟發展局查詢港台有咩計劃，商經局回覆，預計一系列慶回歸特備節目開支預算約1000萬元，包括製作回歸25周年主題曲同MV，仲會用呢首主題曲嘅旋律拍攝政府宣傳片，亦會製作主題節目同活動，但未有列出細節。

除咗主題活動，港台會製作相關文化藝術、回歸後發展，同人物故事節目，其中有6個文化藝術節目，睇番每個節目簡介，除咗回顧香港25年來嘅文化發展，其他節目都涉及中華文化，例如介紹內地飲食文化、粵劇等；並會製作10集文化考察節目，由2000年後出世嘅年輕人實地考察一啲歷史文化，例如八大名菜起源、筷子與西方飲食文化嘅演變等，就咁睇似乎同香港回歸無太大直接關係。

另外，港台會製作5個回顧節目，邀請運動員、好市民獎得主等分享；同教育局合作回顧清末至中國近代史嘅環節等；港台節目《香港故事》會製作有關香港發展嘅特輯等。