婚後遭網民語言暴力 鄧小巧反擊：得到愛唔一定生得靚
[2022.03.30] 發表
【明報專訊】鄧小巧3月初跟外籍男友「白先生」在加拿大結婚，圈中好友與粉絲送上祝福。她不時分享跟老公的新婚生活，但惹來網民語言暴力對待。
昨日她在社交平台撰文說感受，透露由初入行聽過不少難聽的說話，攻擊她肥、醜樣等，至婚後再被指「鬼佬真係重口味」、「呢啲豬扒真係鬼佬先食得落」等。
不向惡言低頭
小巧表示有朋友勸她不用理會那些留言，但她認為各色各樣的語言暴力是因為大家「唔理」，令一小撮人橫「言」無忌。她說：「網上嘅語言暴力好可怕，因為留言嘅人見到你，但你可能永遠見唔到留言嘅人。我哋經常批評別人嘅外表，肥嘅太肥，瘦嘅太瘦，靚嘅整容，性感嘅就係蕩婦。總之就要搵到你睇唔順眼嘅地方，然後暗中背後指住人哋謾罵，好似呢個世界上仲欠缺好多惡毒嘅人。『莫因惡小而為之，莫因善小而不為』。最後，其實，得到愛，唔一定要生得靚。」好友許廷鏗、阮小儀等留言支持鼓勵小巧。
娛樂組
更多影視
相關新聞
