【Emily】疑似「始作俑者」為嚇親人致歉
[2022.03.11] 發表
【明報專訊】政府前日向全港市民手機發出「緊急警示」，唔少人聽到警報聲都表示被嚇親。曾建議政府使用「緊急警示系統」向市民發放信息嘅資訊科技商會榮譽會長方保僑，前晚喺facebook發聲明道歉，話知道好多市民都被嚇親。
「緊急警示系統」
方保僑朝早提 政府傍晚用
前日早上，「香港01」一篇報道提及斥資1.5億元嘅「緊急警示系統」疫情至今未用過，報道引述方保僑話，政府應該利用系統向市民統一發放官方消息。同日傍晚，政府以「緊急警示」通知全港市民伊利沙伯醫院只收治新冠患者。方保僑其後表示，對於政府快速接受意見並啟用系統感意外。
倡政府檢討「緊急警示」內容
方保僑當晚致歉，佢話建議政府善用系統嘅原意，在於系統已經存在，可用於發放緊急、統一嘅官方資訊，避免市民接收錯誤或者混淆嘅信息。佢提到外國發生天災人禍時，會透過系統緊急通知市民逃難。佢相信政府對於何謂「緊急」有既定指引，但話政府應該檢討前日發放嘅「緊急警示」內容，同埋對市民造成嘅影響，建議政府啟用系統前預先通知市民，減低不必要恐慌。
更多港聞
【Emily】解疑兼打針 無國界醫生助長者劏房戶
【明報專訊】第五波疫情確診數字仍然高企，政府正諗辦法提高長者接種率。為支援抗疫，無國界醫生（香港）上星期六同社區組織協會（SOCO）合作，派... 詳情
相關新聞
