【Emily】容海恩談髮治 唔剪唔得但唔急
[2022.03.11] 發表
【明報專訊】關閉約一個月嘅髮型屋同理髮店噚日重開，唔少市民馬上去剪髮。新民黨立法會議員容海恩(Eunice)就喺facebook貼相，見到佢坐喺一間街坊理髮店，話頭髮唔剪唔得，但自己剪「搞唔掂」。Eunice答Emily話，原來佢只係落區向髮型屋派抗疫包，了解佢哋嘅需要，唔少髮型屋都對提早復業感到開心。Eunice話見到唔少市民排隊剪髮，講笑形容自已「仲捱得」，唔想阻到其他急需剪髮嘅市民。
一向短髮示人嘅Eunice話從未留過長髮，甚至未試過及肩，形容𠵱家嘅長度係極限。有冇打算趁機換髮型？Eunice話未打算作出突破，計劃等遲啲人流減少，立法會復會前先去剪髮。
髮型屋重開後，進入或身處有關處所嘅人至少要接種一劑新冠疫苗，顧客亦必須用「安心出行」。Eunice亦提到美容業嘅處境嚴峻，希望政府考慮以同樣方式容許佢哋復業。
更多港聞
【Emily】解疑兼打針 無國界醫生助長者劏房戶
【明報專訊】第五波疫情確診數字仍然高企，政府正諗辦法提高長者接種率。為支援抗疫，無國界醫生（香港）上星期六同社區組織協會（SOCO）合作，派... 詳情
相關新聞
