【Emily】將向劏房戶派口罩 「凝聚民心」促精準扶貧
[2022.01.25] 發表
【明報專訊】立法會議員梁美芬成立嘅組織「凝聚民心」，噚日同選委會界別另外6名議員管浩鳴、江玉歡、鄧飛、黃元山、吳傑莊、林智遠見記者，話會一齊致力幫劏房戶。梁美芬話有居於劏房嘅小朋友形容自己住喺「黑盒」，所以「凝聚民心」做咗1000盒口罩，口罩上嘅圖案由住喺劏房嘅家長同小朋友參與繪畫，寓意「走出黑盒」。佢希望農曆新年後疫情緩和，可以落區探訪劏房戶並送上口罩。
梁美芬又話，鼓勵60歲以上有專業背景嘅人士，為劏房戶小朋友補習同提供照顧服務，稍後亦會約見官員，要求當局提供精準數據以助「精準扶貧」。鄧飛話希望為劏房戶學童提供多元化學習機會，例如學音樂、藝術等，又指唔少劏房戶無互聯網網絡，爭取政府恆常為佢哋提供資訊科技資助。
更多港聞
指學生會惹鼠患未交帳 城大：不排除收址禁用校名
【明報專訊】城大學生會發公告稱「正面臨創會以來最大危機」，引述校方3項指控，包括會室鼠患橫生、有人違規使用，以及未提供2005至2020年度... 詳情
相關新聞
