【Emily】張華峰「趁後生」金融戰場再搏殺 約石禮謙早茶 有時間行山

退下立法會火線嘅經民聯前金融服務界議員張華峰（左），噚日同黨友、前地產建設界議員石禮謙（右）齊齊去陸羽茶室飲早茶。（石禮謙Instagram）

【明報專訊】上月舉行嘅立法會選舉塵埃落定，有資深議員交棒，亦有人爭取連任「墮馬」，退下火線嘅經民聯前金融服務界議員張華峰(肥老闆)，噚日就同黨友、前地產建設界議員石禮謙齊齊去陸羽茶室飲早茶，石禮謙仲喺Instagram上載合照，兩人睇嚟都容光煥發。

肥老闆喺今屆立法會金融服務界選舉以146票之差不敵香港證券業協會主席李惟宏。肥老闆噚日同Emily講，佢𠵱家唔係退休，形容「仲要搏殺」，話之前立法會9年任期因為議員工作太忙，犧牲咗喺金融市場嘅發展空間，要趁自己仲後生返公司搏殺，相信特首選舉後，一定會搞好香港金融業。

咁退任議員嘅生活如何？肥老闆話自己有時輕鬆吓，約老友飲茶，或者同老行尊傾吓偈，「不知幾開心」，話咁樣先貼地。佢又話以前一向冇運動，因為太忙，呢排有去行吓山咁。

石：快樂度日 無乜運動

石禮謙選擇唔競逐連任，佢噚日同Emily講，𠵱家都有啲工作做緊，例如港大校委。離開立法會後，佢話心情就係平常生活、快樂過一日，但話自己無咩點運動。至於現任地產建造界議員龍漢標有冇請教佢議會工作？佢話冇，大家做自己嘢。

更多港聞

【Emily】二陂坊拆陷阱 遊樂設施「降維」

【明報專訊】Emily上星期寫過荃灣二陂坊公園有「陷阱」，好多行人睇落以為係平面嘅「軟膠小山丘」遊樂設施，其實係立體，因而意外頻生。康文署回... 詳情

【Emily】林卓廷字迹揮春籌訟費

【明報專訊】民主黨林卓廷因「35+初選案」還押，佢一班黨友、舊拍檔喺旺角MPM商場「隱世市集」投咗個攤檔，即日起到年廿八（1月30日）賣賀年... 詳情

【Emily】親歷北京防疫 意國總領事信冬奧成功

【明報專訊】北京冬季奧運會2月4日揭幕，港隊今屆有3名運動員出賽，包括短道速滑代表朱定文、高山滑雪代表金和曉同翁厚全，人數係歷屆最多。疫情之... 詳情

【Emily】Google搜尋未更新 「連任」議員變「前任」

【明報專訊】立法會選舉完咗超過一個月，90名議員全部已履新「開工」，但Google似乎仲未update，工聯會陸頌雄最近收到網民提醒，話用G... 詳情

【Emily】77%議員香港出生 少過上屆

【明報專訊】立法會秘書處最近為新一屆議會做統計，90個議員中，男女比例同上屆相若，都係男性佔逾八成，而今屆其中一個特色，就係多咗唔少有中資背... 詳情