【Emily】雖無打呔 謝偉俊自稱議會COLLAR族
[2022.01.14] 發表
【明報專訊】前日(12日)嘅立法會特首答問會，事後都有一啲花生話題。上屆立法會已修改《議事規則》，要求議員出席會議時要著商務服飾，但周三大會有幾個男議員無打呔，包括謝偉俊(Paul)。Paul就解釋，規則無要求員打呔，但著背心汗衣就梗係唔得喇。Paul仲抽吓水，話「聽講最近有8個COLLAR(8人新女團COLLAR)」，而佢哋唔打呔都係「COLLAR一族」，但梗係唔係「政界女團」。
江玉歡盼林鄭答問會答覆盡量簡短
周三答問會原定個半鐘，結果逾兩個鐘先完場，原因包括大家對答時間較長，其間主席梁君彥已數度提醒議員及特首林鄭月娥發言要精簡。選委會界別江玉歡喺網上上載當日各人發言時間統計，見到林太開場發言用咗近27分鐘，提問議員普遍都係用咗一兩分鐘發問，自由黨張宇人發問就用咗3分鐘。林太最初回應議員時都幾長，例如答陳凱欣就講咗11分17秒。
江玉歡話，當日約70名出席議員中，約50人按咗鐘想提問，最後有17人問到，而佢新人手腳慢，遲咗按鐘，結果問唔到；佢又希望特首日後喺答問會嘅答覆能「簡短精要」。
更多港聞
【明報專訊】立法會網頁日前上載全部議員嘅個人利益申報登記冊，Emily統計，90名議員中，有33人係全職議員，申報無其他受薪工作，當中包括2...
詳情
【Emily】陳日君90歲生日 盼沒一刻辜負主
【明報專訊】天主教香港教區榮休主教陳日君樞機噚日90歲生日，佢facebook上載咗同天主教香港教區主教周守仁、宗座署理湯漢樞機，以及輔理主... 詳情
【Emily】G6變G19 與民記並列最大板塊
【明報專訊】第七屆立法會開鑼，民建聯擁19個議席成為立法會最大黨，但原來上屆由商界（二）廖長江、建測規園界謝偉銓（Tony）等6名議員組成嘅... 詳情
國殤之柱原址鋪地板設座 港大：不時檢視設施綠化 學生校委：真相存人心
【明報專訊】香港大學上月底深夜拆走豎立於校園逾20載、悼念六四有關的《國殤之柱》，原址現改為擺放多個座位。港大昨回覆本報查詢稱，不時檢視校內... 詳情
相關新聞
