【Emily】立會33人屬全職議員 21人無樓無地
[2022.01.14] 發表
【明報專訊】立法會網頁日前上載全部議員嘅個人利益申報登記冊，Emily統計，90名議員中，有33人係全職議員，申報無其他受薪工作，當中包括22名「新人」，例如民建聯梁熙。但早前話會辭去香港聖公會教省秘書長嘅選委會界別議員管浩鳴，就繼續申報有關職位。另外，有21名議員屬「無樓一族」，無申報持有物業或土地。
21名無申報持物業或土地嘅議員不乏商界背景者，例如飲食界張宇人、工業界(二)吳永嘉、金融服務界李惟宏，以及選委會界別嘅麗新集團主席辦公室首席策略官陸瀚民、中銀(香港)總法律顧問簡慧敏等。保安局前局長黎棟國、社福界狄志遠亦同為「無樓一族」。
但擁有物業或土地嘅議員唔一定要申報數目，喺有申報數目嘅議員當中，謝偉俊有最多物業，共16項，其次係擁有7項物業嘅新民黨葉劉淑儀同民建聯陳仲尼。香港新方向張欣宇就申報喺馬來西亞有物業。
有40名議員申報有出任受薪董事，當中陳仲尼係「董事王」，為21間公司任受薪董事；經民聯林健鋒同立法會主席梁君彥緊隨其後，分別有16及11個受薪董事職位。
更多港聞
【Emily】陳日君90歲生日 盼沒一刻辜負主
【明報專訊】天主教香港教區榮休主教陳日君樞機噚日90歲生日，佢facebook上載咗同天主教香港教區主教周守仁、宗座署理湯漢樞機，以及輔理主... 詳情
【Emily】G6變G19 與民記並列最大板塊
【明報專訊】第七屆立法會開鑼，民建聯擁19個議席成為立法會最大黨，但原來上屆由商界（二）廖長江、建測規園界謝偉銓（Tony）等6名議員組成嘅... 詳情
國殤之柱原址鋪地板設座 港大：不時檢視設施綠化 學生校委：真相存人心
【明報專訊】香港大學上月底深夜拆走豎立於校園逾20載、悼念六四有關的《國殤之柱》，原址現改為擺放多個座位。港大昨回覆本報查詢稱，不時檢視校內... 詳情
相關新聞
