【Emily】陳日君90歲生日 盼沒一刻辜負主
[2022.01.14] 發表
【明報專訊】天主教香港教區榮休主教陳日君樞機噚日90歲生日，佢facebook上載咗同天主教香港教區主教周守仁、宗座署理湯漢樞機，以及輔理主教夏志誠一齊切蛋糕嘅相片。相中見到陳樞機身穿厚外套，面露笑容。
陳日君樞機1932年喺上海出世，16歲來港入讀慈幼會修院，2002年起擔任天主教香港教區主教，直至2009年退休。佢喺facebook感謝香港教區嘅祝賀，另外寫道，「感謝天主賜我生命，賜我慈幼會聖召，成為神父，服侍天主、為青年、為你們服務」。佢又表示，多年來不斷反躬自省，自問有否做好天主畀佢嘅計劃，希望自己無一刻辜負過天主。立法會前議員張超雄、佔中發起人之一嘅中大社會學系前副教授陳健民等，都有喺陳日君嘅facebook留言送上祝福。
更多港聞
【Emily】G6變G19 與民記並列最大板塊
【明報專訊】第七屆立法會開鑼，民建聯擁19個議席成為立法會最大黨，但原來上屆由商界（二）廖長江、建測規園界謝偉銓（Tony）等6名議員組成嘅... 詳情
國殤之柱原址鋪地板設座 港大：不時檢視設施綠化 學生校委：真相存人心
【明報專訊】香港大學上月底深夜拆走豎立於校園逾20載、悼念六四有關的《國殤之柱》，原址現改為擺放多個座位。港大昨回覆本報查詢稱，不時檢視校內... 詳情
相關新聞
