【明報專訊】「守護香港大聯盟」召集人黃英豪早前透露大聯盟將會喺嚟緊星期日(10號)，聯同幾十個團體一齊發起「愛的周末青葱派對」大型嘉年華活動，希望為香港打氣，提升社會正能量。Emily見到有義工團體同香港女童軍都喺網上招募緊義工當日幫手，香港志願者協會喺招募廣告中提到，當日會有「英皇、環(寰)亞知名藝人演唱會」，仲會有「萬人下午茶」活動希望可以挑戰世界紀錄。 黃英豪日前接受新華社訪問時，透露將會舉行「愛的周末青葱派對」嘉年華，預計有3萬幾人參加。Emily就喺網上見到香港志願者協會正在招募義工，話當日活動包括「傳統親子遊戲、明星隊電競表演賽、英皇、環(寰)亞知名藝人演唱會」等，義工要協助人群管理、攤位遊戲同後台支援等。 早前有唔少歌手藝人都公開表明愛國愛港，仲擔任護旗手，唔知當日會唔會有機會見到佢哋呢？
|
| |
| |
;)
