【明報專訊】近年流行講「減塑」，大家除�鱄n少用膠樽，仲要記得回收！屯門環保園�鵅u塑新生」塑膠回收設施噚日舉行動土禮，設施預計下年第三季落成，會係全港最大規模，每年可以處理同回收3.5萬公噸廢膠，例如PET(聚脂纖維塑膠)樽。Emily睇番環保署資料，港人每日棄置137公噸PET樽，以一年365日計，如果回收3.5萬公噸膠樽，就已經相當於港人255日�黿騤m量。

等於港人255日棄置量

「塑新生」由碧瑤廢物處理及回收有限公司、歐綠保集團同太古可口可樂有限公司聯營，項目斥資約2.6億元，將來會回收、處理、再造「一條龍」，再造�鮆PET物料會達到準食品級，再加工可造膠樽，話唔定日後大家會有機會飲到再造膠樽版可樂。

政府提出多項豁免政府收費以支持企業，零售、飲食、旅遊業都受惠，涉及款項15.69億元。環境局長黃錦星噚日出席「塑新生」動工禮就帶來另一個喜訊，就係環保園租戶月租可以寬減50%，為期半年，涉及租金約650萬元，預計有12個租戶受惠。

碧瑤綠色集團主席兼執行董事吳永康話，「塑新生」用地月租15萬元，寬減後每月慳7.5萬元，半年就慳到45萬元，幫輕�鱁]政壓力。