【明報專訊】立法會正審議《2019年撥款條例草案》，財政司長陳茂波出席聽議員意見，但佢開會時一度低頭用電話，因咩事咁唔專心？原來財爺忙住發WhatsApp短訊畀議員為財政預算案箍票。Emily見佢親自打短訊，雖然傳畀議員�鴾漁e一式一樣，但會逐個改番人名。佢�鷁u訊中不忘關心議員工作辛苦，仲話「您的肯定，會鼓勵我們整個團隊繼續全心全力為香港打拼」。

財爺發訊議員為財案箍票

噚日立法會辯論由民主黨主席胡志偉提出�麉d減特首林鄭月娥全年509萬元薪酬修正案，唔少民主派大表支持，批評林太推動修訂《逃犯條例》唔聽民意。建制派何君堯就批評佢�]無理取鬧，仲話林太同問責官員勤力為香港人服務，「做得好更應該打賞，應該加人工」，又話下年會考慮提出呢個建議。但唔知何君堯有無留意到，議員係唔可以隨便提出增加政府開支�麰蚰耨蛂C

何君堯會上又重提最近兩次《逃犯條例》法案委員會衝突，話覺得相比起林太，更應該減民主派議員人工。佢愈講愈激動，又話民主派係「人渣」、「豬�U當秘笈」。公民黨郭家麒就批評林太要修訂《逃犯條例》，港人可能會被送到內地接受唔公平審訊，做法係送港人去死，支持要減林太人工。