「張保仔時裝」 訴說長洲故事
[2019.02.13] 發表
【明報專訊】每年太平清醮都有好多人走去長洲睇飄色，巡遊隊伍嘅小朋友會扮鬼扮馬，回顧歷史、諷刺時弊。文化葫蘆辦嘅香港賽馬會「港文化．港創意」活動，今年就邀請咗香港高等教育科技學院(THEi)時裝設計課程嘅學生，以長洲歷史同文化為創作靈感，糅合傳統同現代元素，設計主題服裝，訴說長洲故事。
學生嘅主題包括漁民文化、海洋保育等，有學生就以海盜「張保仔」為意念，製作名為「自由不羈」嘅現代海盜服裝，亦有學生以節慶後垃圾污染為題，反映對社會嘅關懷。相關作品將由3月30日至5月1日，喺中環9號公眾碼頭對外空地嘅離島區 「百寶圖」展場展出，開幕當日會由模特兒穿上作品，部分作品更會製作成童裝，畀小朋友喺中環海濱出巡。
更多港聞
【明報專訊】城大的教資會資助6年制獸醫學士課程將於下學年招收第一屆學生。城大日前正式向城規會申請規劃許可，將大埔禾堂背一幅面積約9330平方...
詳情
相關新聞
